ТӀема гӀирсаш чудола къайле гучаяьлар Наьсарен кхале
02.07.2024 11:36
Экстремизма духьале лелаеча МВД оагӀон болхлошта, УФСБ викалашта тӀема гӀирсаш чудола къайле гучаяьлар. Из хоам «Сердалога» бир Ӏаьдала болхлоша.
«Яндаре-СурхотӀе яхача наькъал 150 метр дӀаховаьлча, хьун юкъе 40 см кӀоарга тӀема гӀирсаш чудола къайле корайир. 10 литр чуйода ши ведар йизза лелхаш йола хӀамаш, аммиачни селитра, кӀала пудар дар цига. ВорхӀ кийла яр лелхаш йола хӀамаш», - йоах хоамо.
Цу тайпара хӀамаш дӀа-хьа яхьа кхераме я, цудухьа УФСБ болхлоша шоаш йолча моттиге лелхийтар уж.
