Кердадар кхоллаш йола проекташ йоаржаярах дийцар мехка Паччахьалкхе
ЛоархӀаме йола, кердадар кхоллаш йола проекташ йоаржаярах дийцар, мехкарча Паччахьалкхе Сластенин Владимира кулгал деш дӀайихьача кхетаче.
Паччахьалкхен зарбан болх лелабераша белгалдечох, кхетаче керттера даь дувца оттадир инвесторашта духьала нийслу цхьацца кхоачамбоацараш. Шоаш дӀахьоча балхах дар кердадаьккхе, из экономикан гӀулакхех йолча министерствога дӀакхачийта аьнна тӀадиллар Минпромсвязá, Минэнергонна, Минсельхозá, Комтуризмá.
ДӀахо из дӀахьожадергда РФ Паччахьалкхен Аналитически моттиге, экономикан гӀулакхех йолча федеральни министерстве дӀахо а тохкаргдолаш. Сластенин Владимира инвестораш тӀахьийхар; хӀара кхаь бетта хьахиннар белгалдеш болх дӀахьо, аьнна. Республикан хьал тоадара тӀехьа кердадар кхоллаш йола проекташ доккха дакъа дӀалоацаш я, аьлар цо.
Белгалде деза, мехка йоаржаяь пхиъ йоккха проект йолга; царна чуйоагӀаш я туризма, юртбоахама, промышленноста, Ӏалама, ИТ- сектора хьал тоадара тӀехьа кхелла 11 зӀамагӀа йола проекташ. Цу гӀулакхо дӀалаьца деррига рузкъа 23,6 млрд сомага кхоачаш да.
