Паччахьалкхено дlайихьар кхувш боагӀарий гӀулакхех йолча комиссе кхетаче
03.10.2024 00:49
ГӀалгӀай Паччахьалкхен вице-премьера Саганаькъан Индирас дӀайихьар кхувш боагӀарий гӀулакхех, цар бокъонех йолча комиссе кхетаче. Комиссе доакъашхоша дийцар, кхувш боагӀарашта тӀахьожам лоаттабара, бокъонаш телха ца яйтара болх дӀабахьарца дувзаденна дешаш, яхаш, дийцар цигарча зарбан болх лелабераша.
Керттера терко тӀаяхийтар кагийбарашта юкъе корта бохабеш йола молхаш, малар юкъедаргдоацаш долча дешашта. Карарча шера мехка 37 совгӀа кхетаче дӀайихьар, кхувш боагӀарашта юкъера из хьал тахка лаьрхӀа.
Саганаькъан Индирас белгалдир, Ӏаьдала болхлошта юкъе бувзам цу даькъ тӀа чӀоагӀбе безилга, иштта цар вахара хьалашта тӀахьожам хила безилга.
