Хи чу ваьлча, лораде дезараш белгалдеш, болх дӀабихьар Шолжа кхале
15.07.2024 15:34
Шолжа кхалерча администраце цӀаьхха нийслуча хатарех болча оагӀон болхлой, шахьарерча бахархошта хин юхе кхаьчача лораде дезараш хьалхадоахаш дола каьхаташ дӀадекъа арабаьлар. Из хоам «Сердалога» бир цигарча администраце.
Форда тӀа салаӀа болхараш дӀакхувлаш йола автобусаш сецача, дӀабихьар цар из болх. Каьхаташ дӀадекъаш, бахархошта белгалдир, хатар хургдоацаш, эггара чӀоагӀагӀа лораде, фийла хила везараш.
«Хи чу ваьлча лораде дезараш довзаш, теркалдеш хила боккъал а! МоллагӀа хатар ийккхача 112 яхача оагӀонга телефон дӀатоха», - белгалдир администраце викалаша.
