Шолжа-Шахьаре дика тоадаь ППС доазув хьадийллар
11.06.2025 14:35
ППС доазув хьаделлаш кхетаче хилар тахан Шолжа-Шахьаре. Цига гулбеннача хьаьшашта юкъе бар шахьара мэр Ӏумаранаькъан Аслан; Мехкадаь, Паччахьалкхен Администраце чухьарча политиках болча оагӀон кулгалхочун гӀонча Ӏалбаканаькъан Ӏалихан, депутаташ, иштта кхыбола болхлой.
Шахьара мэре зарбан болх лелабераша беча хоамах, 1500 кв. метрага кхоачаш да хьадийлла керда доазув. 50 машин дӀаоттае моттиг, гӀашлой никъ ба цига, гонахье чуерзаяь, баьццаръерзаеш болх дӀабихьаб.
«Из моттиг къаьста лоархӀаме яр бахархошта, паргӀатагӀа, кхераме хургйоацаш тоае хьежар тхо из царна», - белгалдир шахьара мэра.
