Масхам дохкарий болх тохкаш хилар Шолжа-Шахьаре
25.06.2024 09:20
Ахкан хана массанахьа дохкаш хулача масхама гӀулакх тахка арабаьлар, Шолжа-Шахьарерча мэре болхлой. Из хоам «Сердалога» бир цигарча зарбан болх лелабераша.
«ЛаьрхӀа араяьннача комиссе техкар квас мичахьара хьачуденад, чама миштад; цул совгӀа, ха чакхъяьнна дий а хьежар. ХӀама йохка бокъо луш дола каьхат хила деза хӀаранега. Из моттиг а теркалйир мэре», - йоах тхогарча хоамо.
Белгалде деза, из болх массахана дӀакхухьаш латтилга, наьха унахцӀено лорае дагахьа.
