Шолжа-Шахьарерча наькъашкара хьал тоадеш ба мехка
19.06.2025 10:51
Шолжа-Шахьарерча администраце, «Шолже» яхача Россе МВД ОГИБДД болхлой юкъе болаш, наькъашкара хьал ма хулла тоадарах дийцар. Из хоам «Сердалога» бир мэре.
«ДӀайихьача кхетаче МВД ОГИБДД, наькъашкарча гӀулакхех йолча министерствон, мэре болхлоша дийцар наькъашкара хатараш ма хулла лаьгӀдара тӀехьа дӀабахьа безача балхах, цхьацца кердадараш юкъедоаладарах.
Шу доладелча денз, дӀабихьача балхах хьоахидир цига, иштта соцам бир, цхьацца кхоачамбоацараш долча моттигий хьал ма хулла сихагӀа тоадара хьакъекхьа», - йоах тхога бенача хоамо.
Гулбеннараша дийцар, хатараш хилара эггара керттера бахьан наькъашкара бокъонаш цалархӀар долга, из моттиг я эггара хьалха меттайоалае езар.
