Полигоне кхалаж тIа яьнна цIи дIайоаеш ба Сунжа районе

Белгалдоаккх, йоккха кхалаж региональни оператора ООО «Экосистема» доалахьа я. Карарча хана цIи йоаеш ба специалисташ. ГIалгIай Республике гIолла йолча ГУ МЧС России подразделене кулгалхой новкъосталца цIи йоаяра юкъе йоалаяьй пожарни расчеташ.

Укхаза вена хилар Правительства кулгалхочун гIонча вола Iалама ресурсайи экологеи министр Йовлой Мухьмад, иштта ООО «Экосистема» кулгалхой, прокуратураи, моттигерча органий управленей кулгалхойи.

Хинначун бахьанаш тохкаш да. Хьалхадоаккх, Сунжера полигон эггара йоккхагIа я вай республике. Цун юкъара майда − 5 гектар я. Кхалаж духхьашха йоагаш яц. Укх шера шозлагIа хул из. Полигоне цIи ялар белгалдаьдар карарча шера, муттхьал бетта а.