Сенатор вола вай мехкахо Хамченаькъан Белан лакхача паччахьалкхен совгIатаца белгалвир
Вай республикера РФ сенатор Хамченаькъан Белан «Даьхен гIулакхе карагIдаьннарех» яха IV-ча дозала орден луш, белгалвир. Даьхен парламентаризма, бокъонаш лораяра балхаца дикка къахьегарах РФ Президента Путин Владимира маьцхали бетта 24-ча дийнахьа оттаяьча чIоагIонца хьожадаь паччахьалкхен лакха совгIат да из. «Сердалога» из хоам мехкарча Паччахьалкхера бу.
Экономикан, бокъонаш лораяра, иштта юртбоахама гIулакхех болча оагIонца бехктокхаме къахьегаш, ший декхараш дизза кхоачашдеш хьавенарех ва Хамченаькъан Бахьаудина Белан. 20ӏ6-ча шера денз, Федераце оагIонца вай мехкагара сенатор волаш, мехка гIулакхаш федеральни моттиге довзийташ хьавоагIа из.
Ший балха тIа гонахьарчар лоархIаш, лоархIаме, хала дола декхараш кхоачашдеш, республикерча бахархой хьал могачох тоаде гIерташ къахьегарех ва ала деза цох тахан. Лакха говзал йола, ший болх боаггIача боараме бовзаш вола политик, хьаькъал дола кулгалхо ше волга бIаргадайтад цо массанена. Вай мехкарча агропромышленни оагIонца дувзаденнараш федеральни моттигага гIолла ма хулла тоаде хьожаш, лоархIаме, дикка пайдане хургйола проекташ йоаржаеш, къахьегаш ва сенатор.
Иштта лакха, лоархIаме дола паччахьалкхен совгIат цунна хьожадаро хьагойт хьамсарча мехка ГIалгIайчен, йоккхача Россе декхараш кхоачашдара тIехьа из хьинаре, боаггIача боараме къахьегаш хилар.
