«Ишколе даха кийчде» бера яха болам боаржабергба Наьсаре
Вай мехкадас Келаматанаькъан Махьмуд-ӏаьлас юкъебаьккха болам ба «Ишколе даха кийчде бер яхар» Цу беркатеча гӏулакхага гӏолла къаьстта терко эшача наха шоай бераш ишколе дахийта новкъостал ду тахан. Дешара шера бераш кийчде хало долча даьй, ноаной оагӏув хьаллацара хул цох тахан. Шахьарерча хьакимаша терко ю эшаш болча кхоачамах дизза дола тӏормигаш таро дика йоацарашта, бойлахьа бисарашта, могашал эшаеннарашта кхоачаргдолаш», - дийцар «Сердалога» Наьсарерча администраце.
«Ишколе даха кийчде бер» яхача болама тахан йизза моттиг дӏалаьцай вай вахаре. Региональни, шахьара хьакимаша болх цхьана дӏахьош хилар белгалдеш гӏулакх да из. Шахьарерча дуккхача берашта хоза, ишколе эшаш мела йолча хӏамайх дизза дола тӏормигаш кхоачаргда тахан. Бера дега боккха тоам беш, совгӏат хулаш да из. Дешара шера бер кийчде тахан атта дац – эца дезар дукха хул, цунга хьежжа доккха новкъастал хул цох хала кхестача даьшта, ноаношта.
