«Сунт» яха ОПМ дӀахьош, 70 кхоачамбоацар гучадаьккхар Магасерча полице
25.07.2024 09:28
Наькъашкара бокъонаш лораяйтара тӀехьа, рейд дӀахьош хилар МВД болхлой Магасерча наькъаш тӀа. Из хоам «Сердалога» бир республикерча ГАИ.
«Республикан чурча гӀулакхех йолча Министерствонна кулгал деча полице инарал-лейтенант волча Коробкин Михаила тӀадилла, дӀахьош яр из рейд. Болх дӀахьош латтача полице болхлоша гучадаьккхар 70 кхоачамбоацар. 57 машина тӀара, хӀама гургдоацаш баьддерзадаь кизгаш мукъадаьхар, цхьа машини кхо саги Ӏочувигар Ӏаьдала болхлоша», - йоах хоамо.
Цул совгӀа, наькъашкара бокъонаш лора ца еш, самокаташ хехкаш лийннача ялх сагагара уж хьаяьхар. Барайтта шерга кхачанза волча кхаь сага даьй бехктокхаме оза лаьрхӀар.
Из беррига болх дӀахьош ба вай наькъашкара хьал тоаде, хатараш кӀезигагӀа хилийта дагахьа.
