ГӀалгӀайчен массазара Ярославски областера викал хоржаргва
Ярославски областе массазара ГӀалгӀайчен викал хоржача балхацара кандидат волча Дугенаькъан Мурадацара кхетаче дӀайихьар ГӀалгӀайчен Москвера викал волча Малсаганаькъан Мухьмада. Цу оагӀонца дӀабахьа безача балхах дийцар цар.
Малсаганаькъан Мухьмада белгалдир, Дугенаькъан Мурад дукхача хана денз юкъарлен оагӀонцара балхаш леладеш, «Вайнах» яхача боккхийбарий оагӀон доакъашхо волаш, хьавоагӀаш волга.
«Мехкахошта, иштта цу моттигерча наха юкъе лоархӀаш саг ва из, вай мехкашта юкъера бувзам дикка чӀоагӀбеш хургда из деррига», - аьлар цо.
2018-ча шерарча маьтсела бетта 10-ча денгара денз 2024-ча шерга кхаччалца, из болх лелабеш хинна Къоастой Хьажбикар, 67 шу даьнна волаш, кхелхар. Керда массазара викал хоржаш болх ба дӀахьош. Карарча хана ши саг ва цу моттиге дика хургвар, аьнна, белгалваьраш, кастлуш мехкадас Келаматанаькъан Махьмуд-Ӏаьлас соцам бергба цу гӀулакха.
