Лохера Пхьуй оалачара гIалаш тоаяь йоалаш латт
12.12.2025 09:27
«ТIехьале» яхача гIишлонхой-меттаоттадерий ишкола говзанчаш шоай болх чакхбоаккхаш латт, Лохера Пхьуй оалачара гIалаш тоаеш хинна. №4, №5 йолча гIишлошка пенаш хьалдеттад, хIанз дIахьош да юххера кагий балхаш.
«ТIехьале» яхача ишколе тхога ма аллара, цу кагийча балхех тийша да гIалан тIера куц-сибат мишта хургда. Деррига а даь вала веза, арара хаоттам кхы чIоагIагIа хувцабалалехь. №4 йолча гIалан аргIанара дакъа кийча хургда шин кIира, уж балхаш чакхдаргда оагIой бутт йистебоалаш.
Цунца цхьана дIахьош ба керда музей хьакхоллара бола болх. №4 йолча меттаоттаяьча гIалан чу хургья археологе музей, цига керда гойтам хургба - Граждански тIема музей. Цу гIулакха кийчон балхаш дIадоладаьд.
