Къона эскар да кагирхой кхебеча хьалхарчарех цаI
ГIалгIайчен Ерригроссийски тIема-патриотически «Къона эскар» яхача болама отделене халагIчарех моттиг дIалоац кагирхошта кхетам балара, Даьхенцара безам совбаккхара даькъе. Цох дийцар ГIалгIай Республикан Кулгалхочун, Паччахьалкхен зарбан болх лелабераша.
Ер шу дIадоладелча денз, къонача эскархой мугIарашка баьлар 340 керда дешархой, Республике болх беш я 9 моттигера отделени, иштта 116 къонача эскархой отрядаш. Укх шера цар кхетаченаш, боламаш дIадихьар кулгалдара кердадараш Iомадара, тIема-даьхенна хьал довзара лаьрхIа дола.
Цул совгIа, маьтсела бетта хьалхара «Рокот. ГIалгIайче» яха проект дIайихьар, цига 50 кхувш воагIар дика кийчо еш хилар тоабашца цхьана болх бара, кулгалдара дола гIулакх Iомадеш.
Укх аьхки 150 совгIа кагирхой дакъа лоацаш хилар, «Къона эскархо» яхача лагере. Цига цар Iомадир мугIаре оттар, лорий, цIера кийчон хьалаш. Цул совгIа, къона эскархой юкъебаьлар лоархIаме юкъарлон гIулакхаш кхоачашдара.
Масала, цар дир къайлавоккхаш дола цхаралаш, гулдир гуманитарни новкъостал, иштта яздир 5 эзар совгIа каьхаташ, бIухой хьаллоацаш.
«Тхона лоархIаме да, цу тайпара болам дIахо а дIабодаш хилар, дика уйла е ховш бола кагирхой юкъебоахаш. Къаьстта цу тайпара уйла йолча кагирхоех хьалкхув республикан хьалхале лелаераш», - аьлар Келаматанаькъан Махьмуд-Iаьлас.
Белгалду, хьатIадоагIача шера дIайолаергья керда проект «Къонача эскархой боарам» яха, цунна чувоагIаш 500 доакъашхочун таро хургья шоай физически кийчо гойта. Иштта дIахьоргба «Турпалхочунна баркал ала» яха патриотически болам, цунна юкъейоагIаш хургья республикан 50 ишкол.
