ГӀалгӀайчен бахархошка хоам баьб, вошал доацача мехкашкарча нацистех
![ГӀалгӀайчен бахархошка хоам баьб, вошал доацача мехкашкарча нацистех](http://serdalo.ru/storage/UkjE2EQaTycb11Sbns4OuDlNgxKS8ijdoO3f1tQf.jpg)
Интернета оагӀонашка баьржа болча, наха юкъе довнаш хьалхьедеча зуламхоех лорале, яхаш, кхайкарал ду мехка. Ӏаьдало лакха тӀахьожам лоаттабеш гӀулакх да из тахан. «Сердалога» из хоам бир миннацо.
«ЛоархӀаме мехкахой! Терроризма духьала къовсам лоаттабеча оагӀон болхлоша кхайкарал ду шуга, телеграм, Whats App яхача, иштта кхыдолча интернета оагӀонашка гӀолла бовзаш боацача, тешаме ца хетача нахаца бувзам ма лелабе яхаш!» - дувц тхога кхаьчача хоамо.
Бахархошта хьалхадоаккх, фуд ца ховш дола электронни адрес хьа ма делла, цабовзарашца къамаьл ма де, ахча дӀатӀа ма ахийта, цхьанна анкета тӀа хӀама ма язде, шоай карта номераш, адрес дӀа ма ала, яхаш. Харцача уйлаша тувлбаь лелача нахаца бувзам ма лелабе, шоашта гарга ма бита уж!
Нагахьа цу юкъе нийсвеннавале, (@AntӀterrorrӀ_bot) адресах терроризм яхача зулама духьала къовсам лоаттабеча комиссега дӀаязде. Лоравала, фийла хила везилга хьалхадаккха шоашта бовзарашта!