Наьсарерча Ӏам чу лувчар, кхераме хилар дӀахайт бахархошка
25.06.2024 14:52
«Шахьарерча Ӏам чу лувчар кхераме, бокъо йийхка да!» - ишттача дешашца кхайкарал ду Наьсарерча администраце болхлоша бахархошка. Из хоам «Сердалога» бир мехка кабмино.
«Массе оагӀув хьалаьцача, цхьаккха тайпара лувча йиш ярех бац из Ӏам. Инфекционни лоархӀаш дола лазар лаца, цу чу ядача хӀамаша дегӀа чов е йиш я. Цунга хьежжа, лувча дагахьа цу Ӏама гарга ма аха», - йоах хоамо. Цунна гонахьарча доазон тӀа лувча йиш йоацилгах хоам беш дола улгаш тохаргда.
Къаьстта берашта, кагирхошта доагӀаш да из дукхагӀа, хӀана аьлча, дегӀ геттара дӀохделча, моллагӀча хи чу бовла безам хул цар.
