ГӏалгӀайчен бахархой бийхар, экодиктанта 25 хаттара жоп дала
Дерригача дунен тӀара рециклинга денна хетаяь яр йоккха кхетаче. Цу чу йоагӀаш йоккхий темаш яр, экологи, климат, хин ресурсаш, кхыйола моттигаш, яхаш, дийцар «Сердало» газетага ГӏалгӀай Республикан Ӏалам лорадераша.
«ЯлхлагӀа Ерригроссийски экологически диктант дӀахьоргда, лайчилла бетта 25-ча денгара оагӀой бетта 8-ча денга кхаччалца.
Диктанта чудоагӀаш хургда 25 хаттар, уж дувзаденна да, къаьстта лорадеш долча Ӏалама доазонашца, Цӏеча книжкаца, экотуризмаца, нувхаш дӀакхувсара хаттарашца, Ӏалама таронаш лелаярца», - аьлар республикан Ӏалама Министерстве.
Белгалду, рециклинг- из юхакъаьста нувхаш цӀаькха чакхъяхарах оалаш хилар. ШозлагӀа чакхйоах балаха тӀа, кхачанца е боахам лелабарца юхакъаьста хӀамаш. Из лоархӀаме да таронаш пайда хьабаргболча оагӀорахьа лелаяра, хьадеча гӀирсашка дӀадодаш дар кӀезигагӀа хилийтара. Цул а лоархӀамегӀа да гонахьара Ӏалам цӀена хилийтар, хьамсарча мехкара унахцӀено лораяр.
Экологен даькъ тӀа ховш дар совдаккхара лаьрхӀа дӀахьоча боламе дакъа лоацаш хиларо, хӀара сага таро лу шийна ховш дар кхы а кӀоаргагӀа довза, экологически кхерамзлен хьал дикагӀа кхетаде, из кхоачашдара де дезар лаха.
ГӏалгӀайче а, мехка кхыча моттигашка санна, хьатӀайоагӀача хана нувхашцара хаттараш къоастаде дезаш я, чакхйоахача хӀамаех хьабоала пайда кердача продукцега дӀабахийтарца дувзаденна.
