«Тахан «дика гӀулакхаш деш» йолча моттигашка ахчаш гулдеш хилар, хӀарман вахаре иштта хила дезаш санна дӀаоттадаьд. Вай дерригаш а нийсденнад цу юкъе, каст-каста го йиш я цу моттигаша ахча гулдара тӀахьехаш дола къахетаме кхайкаралаш.

Бокъонаш лораяра йолча органаша белгалду, дикача гӀулакха йола моттигаш санна, ахча гул а деш, из терроризма дӀадохийташ хилар», - йоах хьабайтача хоамо.

Бахархой тӀахьех, ахча дӀадахьийталехь, из организаци бокъонца йолаш йий хьеже мара из дӀацадахьийтара, из йолаш йий ха йиш я паччахьалкхен боахамий сайта тӀа. Дика тахка ахча хьанна дохьийт, фу карта да, довза ахча гулдеш йолча организаце хьал.

Эггара тешамегӀдар да - дӀадохьийташ дола ахча карта тӀа а ца дохьийташ, банка чота тӀа е цар лаьрххӀача сайта тӀа дӀадахьийтар.

Нагахьа санна кӀеззига мукъагӀа шеко йолаш моттиг хуле, ворхӀазза уйла а йий мара дӀа ма дахьийта, цунна чубоагӀача гӀулакхерча нахага гӀолла, из нийса дий хоатташ хила.