Селхан Назранерча Р. Аушева цIерагIча «Центральни» стадионе хинна матч йистеяьлар 2:0 чот йолаш.

Коментатораш беча хоамах, «Ангушт» командо шаккъе а гол чуяьккхар шоллагIа тайм дIахьоча хана, цунах ховш хилар ловзар мишта чакхдаргда.

Иштта цар 60 минот ха йодача хана пенальти яьккхар, Ахильганаькъан Зелимхана гIо а деш. Пхийтта минот яьлча Iахильганаькъан Зелимхан белгалвоалаш хилар йиххера ловзаш.

Йихе йисса ха Марханаькъан Iийсас коталонга дIакхоачайир.

«Ангушто» ший хьалхарча матче котало яьккхар, кхо очко яккхарца, из хIанз турнирни таблица тIа ворхIлагIча моттиге латт. «Уралан» вIаштта шозза котало яьккхачара матчай серий соцайир, ялх очко а йолаш таблица тIа цхьоалагIа моттиг дIалоац цо.

АргIанара матч «Ангушто» дIахьоргъя 14 июне «Астраханаца».