«Россе къамаш» яхача Халкъашта юкъерча кхетаче, вай республика дӏайовзийташ хилар «ФЯра» яха арт-студи
Москве дӏайихьача «Россе къамаш» яхача Халкъий кхетаче вай къаман юкъерча бӏаьшерашка леладаь барзкъаш довзийтар. «Дзурдзуки» яхача оагӏонца вӏашагӏтеха дувхар дар «ФЯра» яхача арт-студе гойтар. Тхьоврача хана гӏалгӏаша леладаь къаман кӏоаргача ӏадаташца, гӏулакхашца, культураца бувзам бола, из деррига хьагойташ бола болх бар ала йиш я цох. Боккхача мехка дахаш долча дукхача къамий исторецара бӏаь совгӏа барзкъа дайра цу кхетаче гулбеннарашта.
Цига дакъа лоацаш бар Россе Президента балха чубоагӏа Москверча викалаш. Дукха хӏама дар хьаьшашта кийчдаь хиннар, къаьстта йоккха моттиг дӏалоацаш хилар «Вайх хӏаравар» яха этно-фольклорни йоккха кхетаче. «Таврида» яхача дукхача кулгаговзалех кийчбаь болх бар из.
«Сердало» газето хьалха яздаь ма хиллара, Россе къамаш цхьанкхетара Шера хетаяь яр из кхетаче. Программан юкъеяхаяр Россе 89 моттиг. Боккхача мехка дахача тайп-тайпарча къамий тхьоврача хана денз латта культура, гӏулакх белгалдеш моттиг яр, ала деза цох.