Гӏалгӏайчен полице чаккхе йир, «Сунт» яхача аргӏанарча рейда
Гӏалгӏайче чаккхе йир аргӏанарча оперативно-профилактикан «Сунт» яхача полице балха. Белгалду, ерригача республике гӏолла дӏахьош бола из болх вӏашагӏбеллаб, республикан чурча гӏулакхий министра, полице инарал-лейтенанта Котов Владимира хьалхашка оттадаь декхар кхоачашдеш, цун керттера маӏан да, наькъашка кхерамзле йола хьал хьакхоллар.
«Сердало» гаезтага, республикан МВД зарбан болх лелабераша ма аллара, ГИБДД новкъа ха тӏа латтача къаьсттача батальона болхлой хьежар 67 бахархой каьхаташка, иштта 54 транспортага. Хьежачул тӏехьагӏа, госавтоинспектораша гучадаьхар, юха а техар 46 административни бокъонаш толхаеш дола гӏулакх. Иштта наькъашка сиха болх дӏабахьара юкъедаьхар цу боахама кинологически хьалаш.
Рейда чаккхено хьагойтар, эггара дукхагӏа водителий оагӏорахьара кхоачамбоацараш, административни гӏод дӏатекха цахилар дар, цу статьях 16 машина даьй бехктокхаме эзар. Иштта белгалду, машений кораш боарамал тӏех баьде даь хилар. Из бахьан долаш 10 водитела гӏод техар. Кхы а 10 машина полице даькъ тӏа дӏаоттайир, цар тайп-тайпарча боараме законаш толхадарах.
Гӏалгӏайче гӏолла йолча Россе МВД аргӏанара кхайкарал ду берригача новкъа леларашка; бокъонаш лорае, яхаш. Бокъонаш лораераша белгалду, моллагӏа бола наькъа хьовзам нийсбелча, из сага вахара кхераме хьал хьакхоллаш ба.
