Дешара шу доладаларца даькъала бийцар Мехкдас, республика бахархой
Он пожелал всем работникам сферы образования и родителям крепкого здоровья, счастья, удачи и успехов.
«Хьамсара дешархой, студенташ! Хьамсара хьехархой, даьй, ноаной! Аз даькъала дувц шо дешара шу доладаларца! Дешара шу долалуш дола хьалхара ди, хIаране дег чу даха дус дуккхача шерашка. Сийрда, хоза уйлаш ювзаенна ди да из! Цу дийнахьа хьаел вай республике мел йолча дешара моттиго, ший наIараш.
Эггара чIоагIагIа теркал де лов, укх шера, хьалхарча классе долха бераш. Дешаран кIоаргача вахаре, шоай хьалхара гIа шоаш дIачубаьккха ди, царна цIаккха а дицлургдац. ХIанзчул тIехьагIа, бIаьха никъ дIахьош, дукха кIоаргленаш я царга хьежаш.
Хьалхара гургал хьамсара хул дега, уйлашта. Шоай начIал гойта, дуккха а хIамаш тахка аьттув ба цар ишколан вахаре. Даькъала бувц аз, тIехдика ЕГЭ дIаенна, дIахо шоай дешаран никъ дIахьош бола хьалхарча курсера студенташ. Аьттув болаш, беркате хилда шун дешар! Дешара гIулакха бола тIахьожам хIара шера чIоагIбеш, лакхбеш латт вай боккхача мехка.
ХIана аьлча, дешар да сага вахара никъ тоабе, шербе безар. Дешара гIулакх лакхача боараме латтача моттигашка, дIахо мел дар а тоалуш дIагIоргда. Дешаш йола ха я сага вахаре эггара лоархIамегIа яр.
Вахаре ше лелабергбола никъ, къаьстта, цу хана хорж вай хIаране. Деррига довза, шаьрде гIорта веза шераш да уж. Керттера моттиг цу вахара юкъе лоацараш, хIара денна из къахьегама никъ боаржабу хьехархой ба. Царгара долалу деррига а! Лакха толамаш доахаш хьабоагIача хьехархоша, студенташа вай республика моттиг тоаю.
Аз доккха баркал оал, дуккха низ Iобулаш, шоай дешархоех къаман бизза бахархой бе гIерташ
Даьй, ноаной, хьехархой, ираз долаш, дог делаш — дахалда шо!
Дешархой, аьттув болаш хилда шун вахара наькъаш! НачIал долча дешархоех, гIозача деноех, кхоллама вахарах дизза — хилда е керда дешара шу!», — аьлар ший къамаьла юкъе Мехкдас Келматанаькъан Махьмуд-Iаьлас.
