«Керда берий бешамаш хьаелларо таро ялар вайна 1 230 балха моттиг кхолла, берий бешамашка шоай бераш дӀадалара нах дукха хьежа безаш йола моттигаш а кӀезигагӀа хилар. Из бахьан долаш, берий ноаной балха баха а иштта кхыдола вахарера хьалаш леладе а таро хилар. Цо иштта аьлар, тахан цу тайпара бешамаш вай хьаеллаш хиларах, бераш дегӀадоагӀаш, цунца цхьана могашал тоаеш хургхиларах. ХьалхагӀа мехка цу тайпара таронаш яцар, бераш хӀара шера дукхагӀа тӀакхеташ хиларах, массайолча берий бешамашка мукъа моттиг яцар, дукха хьежа везаш хулар уж мукъаяларга.

«Паччахьалкхен Кулгалхочо хьалхашка оттадаь декхар вай кхоачашдаь даьлар. Укх ялх шера, ГӀалгӀайче «ДегӀаахар» яхача программага гӀолла дукха болх баьб», - аьлар Келаматанаькъан Махьмуд-Ӏаьлас.