ГIалгIай самбистий команда дикагIчарех хилар

Вай республике турнире дакъалаца венавар 100 спортсмен совгIа, уж бар 2005-2007 шерашка баьраш, тайп-тайпарча регионашкара а доазол арахьара а баьхка. Цу юкъе яр Астраханера, Донецкера, Ставрополера, ГIумкий мехкара, ГIаьбартой-Балкхарера, Дагестанера, Нохчий Республикера, Эрмалой мехкара, ГIалгIай Республикера спортсменаш.

Турнир дIайихьар, Йовлой Берда цIерагIча, «Магас» яхача, спорта Двореце.

Яхьаш лаьрххIа хьаеллаш дакъалоацаш вар Келматанаькъан Махьмуд-Iаьла.

Цо даькъал бийцар яхьашка дакъалоацаш бараш, иштта белгалдир, республика дегIайоагIаш спорт вайна чIоагIа эшаш хилар. Цудухьа къаьстта тоалуш латт спорсменашта, тренерашта дола хьалаш, аьлар цо

Турнир йистейоалаш гуш хилар гIалгIай сборнегахьа совле йолга — 18 майдилг, царех ялх — лакхара дикал яраш. ШоллагIа моттиг дIалаьцар Нохчий Республика самбисташа. «Геза» моттиг кхаьчар ГIумкий мехкарча спортсменашта.