Урхаллен кулгалхочо Тоачанаькъан Батыра яхачох, белгалъяьча балха хана, дукхагӀча даькъе тӀахьожам лоаттабе бийзар тӏаьргаш дӀаяхьара, иштта нийсхо йоаца яхьаш юхатохара. Нагахьа санна «Яхьий нийсхо лелаяр» дийцача, цу юкъе хьадийллар 11 гӀулакх. Тахка дезаш хилар «Къилбаседа Кавказа Россетий» - «Ингушэнерго» ПАОца, ГӏалгӀай Республикан таьрахьашца дегӀадоаладара промышленноста Министерствоца, иштта ГӏалгӀай Республикан Паччахьалкхенца из хьал. Масала, тӀехьарча боахама даькъ тӀа болх дӀахьош белгалдир субсидеш далара бокъонаш толхаяь хилар.

Иштта УФАСа гучадаьхар кхоачамбоацараш, лакхехьа белгалдаь закон толхадаь хилар, «Газпром межрегионгаз Наьсаре», ГӏалгӀай Республикан Парламенте, къаман политика, арахьарча гӀулакхий кепайоазон зарбан болх лелабара йолча Министерстве. Уж а ерригаш яц, кхоачамбоацараш юкъедита йола моттигаш, «Бокъонаш лораяра шоайла яхьаш лелаяра закона» даькъ тӀа.

«Яхьебалара хьал лорадара» йолча 18.1 Закона статьяна чудоагӀаш тахкара, Россе ГӏалгӀайчен УФАС 12 кхайкарал дера, цига болх дӀабихьачул тӀехьагӀа тӏаьргаш дӀахьош бараша юкъедита кхоачамбоацараш гучадаьлар, уж юстардахара доагӀаш дола каьхаташ оттадир. Цох баь хоадам дӏабахьийтар бехкебараш административни бехктокхаме оттабара», - аьлар Тоачанаькъан Батыра.

Цхьадола кхоачамбоацараш ГӏалгӀайчен УФАСа гучадаьхар реклама еча даькъ тӀа, терко тӀаяхийтар доалахьара хӀама леладеш болча предпринимателий балха, цар реклама тарлуш яцар «Рекламах» долча законаца.

Дӏахо ГӏалгӀайчен УФАСа кулгалхочо хоам бир «Товар хьаэцара, болх лоаттабара, иштта балха хьалаш лоаттадара» даькъ тӀа кхоачамбоацараш хиларах. Урхалле хьежар 48 лоткъамга, царех нийса е цхьацца долча даькъе нийса хилар 25. Тӏахьожама болх дӀабихьачул тӀехьагӀа, 31 моттиг хилар кхоачамбоацараш долаш.

«Иштта цу белгалъяьча хана 91 планах боаца тӀахьожама болх дӀабихьар паччахьалкхен, иштта доал дара даькъ тӀа товараш хьаэцара хьал тохкаш, цига гучадаьлар 278 «Контракта оагӀарахьара» кхоачамбоацараш.

Дукха нийслуш дола кхоачамбоацараш да: нийса контракташ цалелаяр, тӏаьргий даькъ тӀара цхьацца дола законо дӀадехараш юкъецадахар. Законо бокъо лу «нийсса» контракт оттаяра маьха 600 эзар сом, бакъда 2 миллион дукхагӀа доацаш е 10% дукхагӀа йоацаш шера хьаэцаш долча товарал (5 млн е 50% пунктах 5).

Иштта дале а, каст-каста нийслу заказ дераша оттабаь боарам лакхбеш, пунктах 4 е 5 даькъа 1 статьях, 93-гӀа Закон контракта хьале. Е контракта мах 600 эзар сом. Белгалде деза, Урхаллено заявленеш дӏаеннай иска, хьадехаш хилара йола, 36 контракт бокъонах йоацаш оттаярах, из ахча бюджете юхадалара, цу тайпарча контрактах дӀаденна дола»,-аьлар Тоачанаькъан Б.

Пресс-конференце ма аллара, УФАСа карарча шера баьча балха 233 соцам тӀаийцаб административни гӀод хьадаккхара, 6 145 000 сом да из.