Культурах йолча Министерства, дуккхача моттигай, кхоачамбоацараш юстардоахаргда
Глава Минкульта Ингушетии Залина Льянова побывала с визитом в Государственной филармонии им. А. Хамхоева, которая переселилась в новое здание. Она поздравила коллектив с новосельем, состоявшимся благодаря деятельному участию в решении этого вопроса регионального ведомства культуры, и поинтересовалась его творческими планами.
Хозача, кердача пенашта юкъе шоай кхоллам дIабахьа уж даькъал а бийца, дIахо цар кхоачашде лерхIачунга ладийгIар цо. «Цхьа дика кхоллаш волча сага, геттара лоархIаме да кхыдолча, хьа белхаца дувзаденна доацача хIамаша уйлаш дIацакхахьар. Тхоашта могар даь из хьал тоаде хьожаргда тхо. Кердача гIишлон чу, шун болх дикагIа дIагIоргба аьнна хет сона. Кхоачамбоацараш юстардахаро а дуккхача дикашта аьттув лу», — аьлар министра.
Иштта, цо кхетаче йир, «Барт» яхача студе хьайилача, къонабарий театра болхлошца. Цар болх вай мехка дика бавзаши, бахархоша геттара хозахеташ тIаэцаши ба. Хала ханаш дукха ихаяле а, дог ца эккхаш, диканга сатувсаш къахьегаш хьабоагIа вай республике «Барт» яхача студера актераш. Цар болх беча моттигашка хьежача, уж дикка гIо эшашбарех ба аьнна теркалдир хьакимо.
Массехк шера царна хьалхашка латта кхоачамбоацараш, юстардаха новкъостал дергда аьнна соцам а бир цо. «Театра болхой декхар — хозеи дикеи дар, наха сцена тIара хьагойтар. Шоай болх дукхабезаш, къахьегаш долча шоана, атта дац эшашдараш дукха долаш болх бе. Тахан цу коллективо къахьега моттиг бIаргаяйча хала да, ма хетта, царна болх хьабулу ала. Тахан царна гIо эш! Йоккха юкъ ялалехьа цар хьал аттачахьа даккха хьожаргда тхо. Кхыйола гIишло лаха еза, «Барт» яхача студе къахьегарашта», — аьнна теркалдир Льянанаькъан Залинас.
