Лоаман Гӏалгӏайче керда сийленгаш корадир
«АСМ Групп» компане дӏахо дӏахьу лоаман Гӏалгӏайчен дӏа ца лоархӏаш йиса исторически гӏишлош лохаш болх. Из лоархӏаме проект кхоачашъеш я «САФМАР» яха ганз. Деррига кердадараш говзанчаша юкъедахь Цаӏ йолча Гӏалгӏайчен сийленгий электронни базанна, цо таро лу уж лорадарал совгӏа, юридически оагӏорахьа а чӏоагӏде. Исторически мах бола гӏишлош шо-шоай аргӏагӏа юкъейоахаш я Гӏалгӏайчен культуран тӏехьален лаьрххӏача реестра.
Лоархӏаме дар «Исмаӏала ков» яха Гӏала тахкар. Дукха ха йоацаш паччахьалкхен реестре культуран тӏехьален бархӏ моттиг яр. Бакъда, из моттиг тохкаш, АСМ Групп» тоабо гучадаьхар хьалха довзаш ца хинна кхы а пхиъ сийленг. Царна юкъе я къаьнарча гӏишлон кӏийле, иштта исторически цхьа улг.
Уж дохаргдоацаш е дицлургдоацаш «АСМ Групп» тоабо пхи дехар дӏадахьийтад Гӏалгӏайчен культуран тӏехьален гӏишлош лораяра комитете. Балха 90 денга кхоачаш уж сийленгий реестра юкъеяргья. Цо таро лу Российски Федераце культуран тӏехьален юкъе шоай моттиг хьалаца, иштта уж лораеш хургья тӏехьа тӏайоагӏача тӏехьенна лаьрхӏа.
