Магӏалбикерча наькъ тӏа бус хатар хиннача, оарцагӏбаха хилар МЧС болхлой
17.09.2026 10:12
Тов бетта 17-ча бус Магӏалбикерча наькъ тӏа хатар хилар. Цхьоалагӏчох ах сахьат даьннача хана «112 ха тӏа» кхаьчар из хоам. Магӏалбикерча дулх, шура лоаттадеча моттига юхерча доазон тӏа хилар хатар.
«Сердалога» бенача хоамах, МЧС «Тоарко» яхача тоабан болхлой бар цига оарцагӏбахараш. «Лада Приора», «Лада Калина» яха машинаш яр вӏашкакхийттараш.
Хатара юкъе лозаваьча шин сага гӏо дир цар, хӏаьта дӏахо шоаш дарбанче ӏочубигийтанзар цар.
Цхьан машинаца «Тоаркхо» МЧС тоабан кхо саг вар цига болх дӏахьош хиннараш. Хатара бахьанаш тохкаш ба ГИБДД болхлой.
