Уж яхьаш вIашагIъехкараш бар ГIалгIайчен физически культура спорта министерства викалаш ГIалгIай Республика шахматех йолча Федерацеца цхьана.
Турнире дакъалоацаш хилар 44 шахматист, уж бар моттигерча тайп-тайпарча шахматий клубашкара. Шоай дикагIа ловзараш хьалхабаьхабар «Iади-Iахьмад», «Магас», «Нефтяник», иштта МБУ «Шолжара шахматах йолча юкъара ишкола».
Цига дакъа лоацаш хиннарашта юкъе белгалваьлар Овшанаькъан Эмин. Из ва массехк шу хьалха Элдарха-ГIала цIай дездеш вай кулгалхочунца Келматанаькъан Махьмуд-Iаьлаца лайза котваьннар.
Белгалде доагIа хьалхарча мугIаре нийсбелар столица викалаш, шоллагIа моттиг дIалаьцар Эсмарзанаькъан Мухьмада, кхоалагIа моттиг — Нальганаькъан Мухьмада.
МагIалбикерча «Нефтяник» шахматни клубера кхоъ вар кхоалагIа моттиг яьккхараш, йиълагIа моттиг яьккхар Осминаькъан Мухьмад-Башира, пхелагIа моттиг - Осменаькъан Джабраила, ялхлагIа моттиг кхаьчар Бахмарзанаькъан Аслана.
