Хӏана езаелар ГӏалгӀайчен берашта новкъа лелара бокъонаш?
Безаме йоаца лекцеш яц Би-бип яхача тамашаш кхоллача кхалсагеи Мухилг яхача кӏаьнкеи йовхьамаш ловзаеш болча актёрий урока тӏа. Юхьанцарча классашка дагӀача а, ишколе даха ха йоацача а берашца цар Ӏомайир наькъал дехьавалара бокъонаш, ловзара кеп йола урок дӀахьош, цу юкъе бокъонцаяраш санна светофораш, «зебраш» яр. Латта. Хьажа. Ладувгӏа. Уйла е. Волле - уж я наькъа дехьавалара керттера бокъонаш.»
ДоккхагӀа долча берашта кхыйола урокаш елар, тайп-тайпара дола новкъа лоравалара хьалаш юкъедоахаш, сердал юхалуш долча хӀамаех пайда эцаш. Студенташта могадир смартфона чу наькъа бокъонаш йовзаргйола дакъа юкъедахьар, цо дикагӀа таро лургья уж йовза, лорае; иштта гойтар хоамий чулоацам бола фильм, цига дика къоастадеш дар наькъ тӀа кхерамзле хургйоацаш де дезар.
Цу тайпара кхетаченаш дӀахьу гурахьа «Кхерамзле дӀахохьош» яхача социальни кампане шоллагӀча даькъа чуйоагӀаш, из кхоачашъеш я Россе МВД Паччахьалкхен автоинспекце «Наькъа кхерамзлен Ӏалашо» яхача федеральни программо, «Вахара хьалаш» яхача къаман проекта чуйоагӀаш. Кампане массаболча доакъашхошта пайдане совгӀаташ делар - сердал луш йола брелок, кога тӀа бувхабеча гӀирса тӏӏиргаш. Цар таро лургья гӀашлой наькъ тӀа бӀаргаго, къаьстта баьдеча хана, иштта ший могашал, вахар лораде! Лоралуш хила, теркамца хила наькъ тӀа!
