Гӏурбан цӏайна хетаяьча хӏара шерарча яхье дакъа лоацаш хургба, вай мехкара ӏаддалхой
Шолжа-Шахьаре дӏаяхьа лерхӏача яхье дакъа лоацаш хургба вай мехкара ӏаддалхой, цӏайна хьалхарча дийнахьа. Из хоам «Сердалога» бир цу гӏулакха хьалхаэттараша.
«Шахьарерча Дьякова цӏерах йолча стадиона тӏа гуллургба вай мехкара спортсменаш – «классически ӏадсаькх» (70 м), «блочни ӏадсаькх» (50 м), баребоу (50 м). Ялх тайпара ялхазза ӏадсаькх кхоссаш хургба цу оагӏонцара говзанчаш, иштта цу юкъе дакъа лаца ловраш а. Котваьнначун цӏайна лаьрхӏа устагӏа лургба», - йоах тхога тахан кхаьчача хоамо.
Магасерча 3-ча зӏамигача кхалене Кокурхой Д. М. цӏерах йолча стадиона тӏа укх бетта 29-ча дийнахьа 11 сахьат даьлча дӏахьоргья иштта йола яхьаш мехкарашта юкъе. Цига а котъяьннар устагӏа ийца цӏагӏоргья. Магасерча спортах, туризмах, культурах йолча моттига кулгал деча, из тайпара болх хьаллацара тӏера волча Къоастой Мухьмад-Башира елар шахьаре уж яхьаш дӏаяхьа моттиг.
