Юха а Азе чемпион хилар вай мехкахочох Йовлой Исламах
25.05.2026 09:14
Эллиной-Румий оалача латарах, 23 шерга кхаьчача спортсменашта юкъе Азе дӏайихьача чемпиоанате котало яьккхар вай мехкахочо Йовлой Ислама. Вьетнаме хилар уж яхьаш. Из хоам «Сердалога» бир спортацарча латарах йолча Федераце.
«Ади Ахьмад» яхача спорта клуба доакъашхо вола Йовлой Ислам юха а дикка белгалваьлар лоархӏамеча яхьашка. Хӏиндера спортсмен эшавир цо, коталонга бодача наькъ тӏа (9:0), иштта Кореера спортсмен а (11:0) йолаш. Дӏахо, Кыргызстанерча спортсменаца лета, котваьлар из (3:1). Къовсам йистебоалача хана 11:0 йолаш, лакхарча лагӏа тӏа вала аьттув хилар цун», - йоах тхога бенача хоамо.
