Наьсарен дешархой хьоашалгӏа баха хилар цӏерца къовсам лоаттабераш болча
Наьсарен шахьара 1-ча цӏерашца къовсам лоаттаберий даькъ тӏа йийлла наӏараш йола ди дар, кхувш йоагӏа тӏехье чӏоагӏа гӏадъяха, из хьал довзаш хилар. Укх наькъа цун хьаьший хилар юкъарча дешара №16 йолча ишкола дешархой. Из кхетаче дӏахьош, хилара керттера бахьан дар, вахарера эггара чӏоагӏагӏа эшаш йола кхерамзлен оагӏув берашта дӏагойтар, йовзийтар.
«Болхлоша дешархошта лаьрхӏа дика программа кийчъяьяр, цар пайда луш йола экскурси а хилар. Цигара балха техника яйзар, дешархой цецбаьлар цох. Кӏалхарбоахараша довзийтар йоккхача цӏи йоаеча машинашта чухьнахьара гӏирсаш, цар дийцар уж малагӏа декхараш кхоачашдеш да», - аьлар МЧС.
Техникага хьажарал совгӏа, говзанчаша берашца дика болх бир, кхерамзлен хьалаш гойташ. Чоалхане хьал эттача де дезар довзийтар, иштта сиха гӏулакх дераш малагӏа декхараш кхоачашдеш ба дийцар.
Цӏерца къовсам лоаттабара йолча тоабо дешархошта хьалхадаьккхар, цӏера кхерамзлен бокъонаш лораеш ца хилча, цох малагӏа зе дала тарлуш да, иштта дийцар цу даькъ тӏа нийсденна истореш, хӏара денна дӏахьоча балха говзал йовзийтар.
Эггара чӏоагӏагӏа берашта езаенна оагӏув яр, лаьрххӏа бола цӏерца къовсам лелабара гӏирс тӏа а бийха, цу йоккхача машина чу шоаш ховшар. Хӏара дешархочунна шийх боккъонца вола цӏи йоаю говзанча хетар. Цу кхетачено берашта таро елар шоашта ховш дар кхы а совдаккха, цу профессе бехктокхам бовза, из лоархӏаме болх хилар кхетаде.
