Мехкарча Парламента кулгалхочун кхетаче хилар, сага бокъонех волча викалца
Сага бокъонех волча викалца Цӏечой Ибрахӏимца кхетаче дӏахьош хилар, мехкарча Халкъа Гуллама хьалха латта Гаьгенаькъан Руслан. Вӏашагӏкхетаре хьакимаша дийцар сага бокъонаш лораяра тӏехьа дӏахьоча балхаца 2025-ча шера, иштта укх шерарча ийс бетта карагӏдаьннарех. «Сердалога» из хоам бир парламента зарбан болх лелабераша.
Цӏечой Ибрахӏима белгалдечох, бахархошкара тӏалатташ дола хаттараш вахара оагӏонцара, иштта ЖКХ, унахцӏенон оагӏонцара, къахьегамах йола бокъонаш лораярца дувзаденна да. Къаьстта терко тӏайохийташ дийцар кхетаче тӏема операце доакъашхой, цар дезалий бокъонаш лораярах.
Гаьгенаькъан Руслана белгалдир; тӏемахошкара, цар цӏагӏарча нахагара тӏадена цхьаккха дехар боагӏача боараме терко ца еш ма дита, аьнна. «СВО доакъашхошта паччахьалкхенгара тайп-тайпарча оагӏоншцара гӏо доагӏа, цунга хьежжа, тахан мехка лакха терко, тӏахьожам лоаттабеш да цу наьха гӏулакхага хьожаш, цар хьашташ дизза кхоачашдеш хилар», - аьлар Халкъа Гуллама кулгалхочо.
Хьакимаша дийцар, республикан бокъонашка хьежжа наьха хьашташ лорадар лоархӏамеча гӏулакхех долга. Гаьгенаькъан Руслана, Цӏечой Ибрахӏима соцам бир; из болх вӏаший бувзам болаш, боаггӏача боараме терко еш; дӏабахьа.
