Магӏалбике дийцар БАРС цхьанкхетарца контракт оттаярах
Магӏалбик-Шахьара администраце кхетаче хилар, цига дийца хаттараш дувзаденна дар БАРСе амал де контракт чӏоагӏъярца. Шахьара кулгалхой керте а болаш, дӏахьош хиннача кхетачене дакъа лоацаш хилар цу хаттарашца бувзабенна ӏаьдала викалаш, эскаре баха кагирхой тӏахьехарах бехктокхаме бараш.
«Сердало» газетага Магӏалбик-Шахьара администраце ма аллара, из кхетаче дӏахьош, белгалдир де дезаш хьалха латтар, из болх вӏашагӏболлара хаттараш, дӏахо цу даькъ тӏа дӏадахьа деза балхаш.
Къаьстта терко тӏаяхийтар нахацара хоамий кампани дика дӏаяхьа езаш хилара. Шахьара бахархошта хоамий хьалашца дикагӏа довзийта деза латташ дола эскаре тӏахьехара хьал. Иштта лоархӏаме да аьлар, БАРСа чубоагӏача лоӏамхошта цу контракта хьалаш дика дӏадовзийтар, законо йилла ха царна хьалхаяккхар.
Кхетачен чаккхе еш, бехктокхаме барашта хоадам бола декхараш хьалхашка оттадир. Уж кхоачашдара тӏахьожам лоаттабеш хургья шахьара администраци. Цо таро лургья массадолча боахамашца бувзам лелабеш, хьалхашка латта декхараш дика кхоачашде.
