Гӏалгӏай мехкара коммерчески фирма кулгалхо бехкеву доккха къоал дарах
Гӏалгӏай мехка гӏолла йолча СК СУ Илдарха-Гӏалан тохкама болхлой коммерчески фирман кулгалхочун духьалара уголовни гӏулакх тохкаш ба. Из саг бехкеву РФ УК 4 д. 159 ст. тийшача балхах доккха къоал дарах.
«Тохкама болх дӏахьош белгалдир, 2025 шера наджгоанцхой бетта, коммерчески болх дӏабахьара арендах хьаийца хиннача фусама да веннилга шийна ховшшехь а; цунца эцара-дохкара договор оттадаьд, ший лаьтта а тӏехьа из фусам ше ийцай, аьнна. Цул тӏехьагӏа, из гӏишло харцахьара каьхаташ а даьха, ший гаргарча сага доалахьа я, аьнна, дӏаязъяьй. Цу тайпара, законах из фусам йоагӏаш бола, цу веннача сага гаргара нах доккха зе а деш, 28 миллион сома, цу боахама даьй боацаш битаб», - аьлар «Сердало» газетага Гӏалгӏайчен тохкама Комитете.
Хӏанз из гӏулакх дӏахо дӏахьош да тохкама болх лелабераша. Из зулам ма дарра тохкаргда, цунна тешал деш йола кӏийле лохаш я.
