Терроризма духьале яра цхьоагӏон Денна хетабаь гойтам хьабийллар мехка
01.09.2026 10:04
«Терроризм - адамашта духьалара доккха зулам» яха гойтам хьабийллар мехкахбаьхача наьха Мемориале. Проекта керттера декхар терроризм яхар зӏамига, воккха мел волчо духьале е езаш, цун наькъаш теда дезаш во долга дӏахайтар дар.
«Экстремизм, терроризм яхача бӏехача, доккхача зуламашта духьала къовсам лоаттабар гойташ моттиг яр из. Видеогойтама чулаьцараш дукха дар – сурташ, каьхаташ, видеош. Из зулам доаржаде гӏертараш дунен эггара боккхагӏа бола моастагӏий болга, царна духьале лоаттаяра балха массахана терко еш хила езилга белгалдир гойтаме», - йоах «Сердалога» мехкарча МКЖР бенача хоамо.
Гойтам дӏахьош хиннараша къахьийгадар, цу доккхача зуламца дувзаденнараш ма дарра хьагойта гӏерташ.
