«Цӏаккха къалургбоаца» гойтам ба вай мехка хьабеллаш
Фашизмо ӏазапе оттабаьраш дагабохаш дола Халкъашта юкъера Ди хьоахадеш, мехкахбаьхарий Мемориальни моттиге «Цӏаккха къалургйоаца» яха суртимй-документальни проект хьайийллар. Дунен шоллагӏа тӏом лаьттача шерашка шоаш дӏалийцача доазонаш тӏа немций, японски милитаристаша лелаяьча къизалах дувцаш ба из болх.
«Къаьстта терко яьй гойтаме Хабаровски гӏулакха. Тӏема зуламхой бехктокхаме озаш, бӏехача моастагӏаша йоаржаяь къизал яхарий бокъонаш меттаоттаяра тӏехьа лоархӏаме гӏа баккхар хилар цох», - дийцар «Сердалога» мехкарча МКЖР.
Пушкина картага гӏолла цига дакъа лаца йиш йолаш ба студенташ, дешархой. Дӏаяхача заманчухьа хинна хӏамаш ма дарра къонабарашта довзийташ бола болх ба ала деза цох. Вай боккхача мехка истори, а дикагӏа довзаргда цу хӏамашка хьежача, дега хало дале а. Къонабараша дикагӏа кхетадергда, адамашта юкъе къизал, харцо йоаржаяр эггара доккхагӏа дола зулам долга, иштта дола хӏама даржийта йиш йоацилга.
