Мехка кулгалхочо Келаматанаькъан Махьмуд-Ӏаьлас ше бувзама оагӀонашка къамаьл деш белгалдир, шахьара дика хьалаш - бахархой вахар тоадеча керттердар да, аьнна. Цо иштта нах тӀахьийхар кхадж тоссача дакъа лацара, шоашта лоархӀаме хеташ йола моттигаш харжара.

«Россе Президента 2030 шерга кхаччалца федеральни проект дӀаяхьар могадарах, ГӀалгӀайче таро я вай бахархой вахара хьалаш кхы а дикагӀа тоаде», - аьлар мехка кулгалхочо.

Цул совгӀа, карарча шера 12 федеральни кердача проекта юкъе я «Вахара наькъаш» яха къаман проект, тишденнача цӀеношкара нах кхыча кердача фусамашка дӀачубахийтар а иштта доазонаш тоадар а.

Цу программах, мехка Кулгалхочун зарбан болх лелабераша хоам ма-барра, 2017 шера денз 2022 шерга кхаччалца, тишъенначарех лоархӀаш йолча фусамех 26 цӀа да юкъедодаш 2025-2030 шерашка йолча программанна. Иштта 2025 шергара 2027 шерга кхаччалца, дика хьалаш хьакхоллара, юкъара моттигаш тоаяра 260 млн сом хьахьожадергда.

ГӏалгӀайчен шахьарий хьалаш кхоллара йолча проекта паспорт тӀаийцар.