Шолхача ДТП лозавир полицейски, моттигера вахархо
Ардара бетта 29-ча дийнахьа, Яндаре 582-гӏа километр йолча «Даькъастен» наькъ тӏа, транспорт вӏашкакхеташ, хьовзам нийсбелар. Юххьанца ха деча даькъ тӏа хоам бера, «Лада Приора» автомобила водитель аьшка картах кхийттав аьнна. Цу моттиге, наькъа кхерамзлен ӏалашо е дӏабахаб Госавтоинспекце болхлой, цига хьабаьхкар шоай «Лада Гранта» машинаца авари яьча водитела гаргара нах а.
«Сердало» газетага, Гӏалгӏайче гӏолла йолча Россе МВД зарбан болх лелабераша ма аллара, хьалхара ДТП яь хилара моттигага хьожача хана, Шолжа оагӏорахьара хьайоагӏаш яр Наьсаренгахьа йода «Лексус» автомобиль. Цига аьтта оагӏорахьа наькъ тӏа нийсденнача ДТП хьала юкъе гӏолла чакхвала этта, цо ший иномарка тӏатехар ДПС инспектора, цу моттиге хиннача цхьаькха маӏача сага. Цул совгӏа, юстаръяьккха латтача «Лада Гранта» патрульни машена а.
Уж шаккхе саг, човнаш хинна, Гӏалгӏай республикан клинически дарбанче ва.
Цига лозаваь, Гӏалгӏай Республике гӏолла йолча МВД ГИБДД ОБ инспектор, полице болхло Имагожанаькъан Муслим, бокъонаш лораеча моттигашка балха ва 2012 шера денз.
Из хьал нийсденнача моттиге тохкама-хьем боаца болх боаржабаьб полице тоабо. Ховш хилар шоллагӏа ДТП яь «Лексуса» водитель машина каьхаташ доацаш хилар.
Из гӏулакх дӏахо тохкаш да.
