Бера духьала зулам даьчул тIехьагIа, доал дара йолча моттигий балхага хьожаш ба
Накануне, в ходе оперативного совещания с ответственными лицами, Глава Ингушетии Махмуд-Али Калиматов поручил организовать проверки всех республиканских органов опеки и попечительства, комиссий по делам несовершеннолетних. Предстоит проверить и оценить деятельность всех социальных служб после страшной трагедии, которая случилась в городе Малгобеке, где пострадала четырехлетняя девочка, информировали газету «Сердало» в пресс-службе руководителя региона.
Шейолча социальни гIулакхаца ювзаеннача моттигашка болх дIа мишта хьу хьажа веза, МагIалбик-Шахьаре, диъ шу даьннача бера вахаре унзара хатар хинначул тIехьагIа, аьнна, хоам бир «Сердало» газетага мехка кулгалхочун зарбан болх лелабераша.
«ГIалгIай Республикан Кулгалхочо иштта декхар тIадиллар берашта доал дара болча балха тIа лаьрххIа йола программа вIашагIйоллара, берашта тIехьахьажара лаьрхIа», — йоах хоамо.
ГIалгIай Республикан унахцIенон Министра Балайнаькъан Мухьмад-Башира аьлар, хатар хинна бер, эшаш мел дола лорий новкъостал дIакхоачаш да, цун могашал хIанз укх сахьате хала яле а, тоалургхиларга сатувсилга долаш я, аьнна.
ГIалгIайчен берий бокъонаш лораяра йолча Чахкенаькъан Заремас яхачох, цунна ховш дар бекарга бетта 25-ча дийнахьа денз, МагIалбикерча центральни района дарбанчен керттерча лоро аларах, цига латта хьал чоалхане долга, уж бераш цу дарбанче цкъа нийсденна а Iийнадац, дарба дезаш. Кхелатанза долча берий даьшта доагIар белгалдара, из хьал мишта нийсденнад хара, МагIалбик-Шахьара доал деча даькъ тIарча кулгалхочунна, иштта Россе МВД «Малгобекский» оалача МО кулгалхочунна, хиннар дIадовзийташ, каьхат дахьийтар. Ши ди даьнначул тIехьагIа, бекарга бетта 27-ча дийнахьа, из йиIиг МагIалбикерча дарбанче кхаьчар, хала йолаш.
«Цу дезале кхо бер да, зIамагIвар шу даьнна кIаьнк ва, из а, вича хана денз, лорий теркама кIал ва.
ЙоккхагIйола йиIиг, республикан Кулгалхочо тIадиллача декхарах, реабилитационни центре дIачулургья. Тохкама болх беррига йистебаьккхачул тIехьагIа, оаха лаьрххIа бола болх дIахьоргба даьшкара уж бераш хьа а даьха, лерттIача дезале уж дIакхачийтара»,— аьлар берий бокъонаш лорае викал яьчо.
Доал деча даькъ тIарча комиссе баьча балхах, ховш хургда берий бокъонех йолча органий, МагIалбик-Шахьара кхелатанза йола йиIиг зулама кIалхаръяккха таро хиннайий.
«Этта хьал, тахан наха юкъе да ала йиш йоацаш, водарех да. Теша а магац цунах, селлара из унзара долаш. Уголовни гIулакх хьадийллад, тохкамхоша оттабергба массайолча бехктокхемерча моттигий балха боагIаш бола мах. Сона хетачох, укхаза бехке ба гIулакхера нах а.
Уж ба ПДН, ишколаш, доалдара моттигаш, тайп-тайпара юкъарлон институташ. Из гIулакх тахкара лаьрххIа ше тIахьожам лоаттабергба РФ Къилбаседа-Кавказа Кулгалхочо Бастрыкин Александра. Сай оагIорахьа, со а хьожаш хургва из мела ца дита»,— аьлар Келаматанаькъан Махьмуд-Iаьлас.
Махьмуд-Iаьлас иштта белгалдир, тIахьожам лоаттабара йола моттигаш республике кхоачам болаш хилар, цар лакхъе еза дIахьош болча балха дикал, шоай ханнахьа профилактика болх дIа а хьош. Цо иштта терко тIаяхийтар хьалхарча аргIагIа кхоачашде дезача декхара, из зулам мишта нийсденнад хара. Цу тайпара хIама кхы нийслургдоацаш, хIара бер моллагIча хана а кIалхардаккха йиш хургйолаш, профилактика болх дIабахьа беза,-аьлар Махьмуд-Iаьлас.
