«ГIалгIайчен Кулгалхочун Амара тарра, тIема мугIарашка тIабийхарий дезалаш аргIах хьежаш латта ца безаш берий бешамашка дIаэцаргба, цул совгIа уж бераш деша даха ха йоацача берий урхаленашка ухаш хиларах мах бала а безаргбац.

ПхелагIча классагара 11-ча классага кхаччалца деша дагIача берашта дIайха даар а хургда ишколашка. СВО тIахьийхарий гаргара нах бокъо йолаш хургба колледже отташ льготаш хилара, иштта дешарах ахча луча моттиге эттача, из тIехьадаккха а таро хургъя. ТIема мугIарашка латтарий даьна-нанна региона лорий урхаленашка профилактически осмотр е таро хургья, иштта лоро хьаязъяь йолча молхашца а Iалашо ергъя царна.

Цул совгIа ха яьннача боккхийча наха социальни гIулакхдеш цIагIа хьабоагIаш хургба Iаьдала болхлой, хIаьта хьабе болх боацарашта болх лохаргба Iаьдало, иштта царна доагIаш дола социальни ахча а хьахьожадергда.

ТIема тIа хьийхарий дезал мах боацаш дарба де а, салаIа а бохийтаргба.

Цул совгIа квоташ яьха кхыча регионашка дарба де а бохийтаргба», — аьлар «Сердало» газетага ГIалгIай Правительстве.

Амар тIа кхы а дукха тIема доакхашхой дезал хьаллоацаш дола мугIараш да.

Региона финансай Министерство тIем тIа бигараш мукъабоалийт карарча шера декабрь бетта денз дIадоладенна, цхьан шера транспортах, доалахьарча боахамах, лаьттах йола йоал ше вахача моттиге яла ца езаш.

«Из доацаш а СВО доакъашхой мах боацаш юридически новкъостал долаш ба паччахьалкхен органашка аргаIах доацаш тIаэцара. ГIалгIайчен Кулгалхочо кулг яздаь арахийца социальни новкъостал дара йола льготаш йоагIаш я Россе кхыча регионашкара шоай гаргара нах тIахьийхараш а», — аьлар тхоца къамаьлдаьчо.