Лохерча Ачалкхе урам тIара сердал кердаяьккхай
10.07.2025 12:39
МагӀалбика кхален Лохерча Ачалкхе тоайир керттерча наькъа бӀоахал миссел болча Шоссейни урам тӀара сердал, яхаш, хоам бу «Сердало» газетага кхален администраце зарбан болх лелабераша.
Белгалду, говзанчаша 78 керда лампа оттаяьй, таханарча заман хозал йола, из бахьан долаш, урама деррига дIоахал чакхдаллалца сийрда да.
«Цо дикка лакхбергба водителашта, гӀашлошта бола кхерамзлен боарам, къаьстта баьдеча хана», - аьлар доал деча даькъ тӀа.
