ГӀалгӀай къаман
юкъара газет

Новости


Газацарча кхерамзленах дувцаш, урок хилар, Магӏалбикерча № 3 йолча ишколе

Газацарча кхерамзленах дувцаш, урок хилар, Магӏалбикерча № 3 йолча ишколе

Газаца лораде дезарех дувцаш, мехкарча дешархошца кхетаченаш дӏакхухьаш ба тахан. Магӏалбикерча № 3 йолча ишколе хилар аргӏанара урок. Берашта лекци ешаш хиннараш бар ООО «Газпром межрегион Наьсаре» яхача оагӏон кулгалхо вола Лаьнанаькъан Элберд, кулгалхочун гӏонча, АО «Газпром Наьсаре газ йоаржаяр» яхача моттига керттера инженер Батыжанаькъан Исмаӏал.

Дешархошта дийцар газаца эггара чӏоагӏагӏа лораде дезарех, пешк е колонка тӏахьожам боацаш йита йиш йоацилгах, нагахьа цӏагӏа цхьа кӏеззига а газа хьаж кхеташ болх бале, ӏалаьмате чехка цу оагӏонцарча болхлошка хоам бе безилгах. Цул совгӏа, уж деррига хӏамаш белгалдаь каьхаташ дӏадийкъар царна.

Белгалде деза, иштта йола урокаш болхлоша берашца хӏара шера, шелал хьаоттача хана, дӏакхухьаш йолга.

Дешархоша боккха пайда эцаш, дукха хӏама царна довзийташ, лекцеш я уж. Шелал хьаэтта газа геттара боккха низ тӏалаттача хана, къаьстта фийла хила везилга, газацара кхоачамбоацараш теркал ца деш дита йиш йоацарех долга хьалхадаьккхар лаьрхӏа баьхкача хьаьшаша. Хӏара дезале лораде деза хӏамаш да уж.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх