Региона кулгалхой оагIорахьара йоккха терко еш хилар цу яхьашта. Моттигерча прессо яхачох, Алтайски края губернатора Томенко Виктора дешаш да, «ер яхьаш дукха сатийса а я, дIаяхача хана чIоагIагIа болча боксераша дакъа лоацаш хинна турнир Алтайски крае 1978 шера яр» . Цу хана первенство хьаеллаш дакъалоацаш хилар олимпийски чемпион Гайдарбек Гайдарбеков, дикагIачарна юкъе боксах чемпион вола Лебедев Денис.
Цу турнире дакъалоацаш хилар вай республика викал, къона атлет Алмазов Саид. Дезткъеи цхьайтта кийла дозал долчарна юкъе цунца нийслуш саг вацар. Барнаулера Саид дошо совгIат дахьаш вера. Из лаьрххIа тIа а ийца даькъалвийцар республика спорта министро Дошлокхой Iаьлас. Саида а иштта цунна спортивни гIонча волча Дзовранаькъан Мухьмада а баркал оалаш грамоташ ялар.
