Укх деношка, Элдарха-ГIала Юкъерча стадионе дIайихьар вай республика унахцIенон министерства аларах вIашагIъелла спортивни акци-берий командашта юкъера мини-футбол.
Яхьашка дакъа лоацаш хилар йиъ команда, хIаранена чувоагIаш ялх саг а волаш.
ДIайихьача яхьай балхага хьежача балгалъйир «Мангуст» команда, шоллагIа " Городок«, кхоалагIа «ЖБИ».
«Сердало» газетага моттигерча мэре баьча хоамах, котбаьннарашта совгIаташ делар шоаш яьхача моттигашка хьежжа. Массаболча доакъашхошта уж яхьаш вIашагIъехкараша шоашкара футболкаш а бейсболкаш а елар совгIата лаьрхIа, цар тIа даь йоазув дар наркоманена духьала къовсам лоаттабара.
