Кхоана, Шолже, дIахьоргья кхачана продукце ярмарка
В мэрии Сунжи сообщают, что завтра, 26 марта, в Сунже пройдёт продовольственная ярмарка выходного дня.
«Дега атта болча маьхах, кхачана продукташ эца безам бараш бех, Шолжерча юртбоахама базара даькъа тIа. Хьоашалганаькъан А. (хинна Бояджиева) ураме, Iуйрийна ийс сахьат даьлча дIайолаенна, дийнахьа 13 сахьат даллалца хургья ярмарка болх беш», — йоах хоамо.
Хьалхадоаккх, маьхаш тIакхийтта хилар бахьан долаш, моттигерча Iаьдала болхлоша шоашта могар ду, бахархошта хьаэца, маьха чухьнахьа, кхачана продукци хилийтара.
Къаьгга, бахьан из долаш, дIахьош я вай республике гIолла хIара кIира, нах балхара цIагIа буссача деношка, тайп-тайпарча шахьарашка, районашка, юрташка цу тайпара ярмаркаш.
КIеззига хьалхагIа, Шолжа-пхьерча Iаьдало, хьалхадаьккхадар, шахьаре кхы а цхьаькха ярмарка дIахьош хиларах.
Мероприяти дIахьош я оттаяьча графикага хьежжа, из болх вIашагIбеллаб, ГIалгIай Республика юртбоахама кхачана Министерства.
Из дIахьоргья, бекарг бетта шоллагIча дийнахьа, моттигерча юртбоахама ярмарка даькъа тIа. Из я Хьоашалганаькъан А. цIерагIа урам кхоачалучча, ГIажара-Юрта дIаводача оагIорахьа.
