10 майдилг яьккхай Долакха-Юртарча латархоша, Гудермесе дӏайихьача мехкашта юкъерча яхье
10 майдилг яьккхар Долакха-Юртарча берий-ондаргий спортивни ишкола спортсменаша Гудермесе дӏахьош хиннача шоай лоӏаме кӏалкхетаргах латара мехкашта юкъерча яхье, яхаш, дийцар «Сердало» газетага совгӏаташ даьхарий тренера Гаркхой Шамала.
«Нохчий Республике дӏахьош хиннача спортивни кхетаче гулбелар 9-15 шу даьнна кхувш боагӏараш. Республикан вӏашагӏтехача команданна чувоагӏаш вар Манкенаькъан ӏаддал-Рахьман, Шовхаланаькъан Ахьмад, Гӏазакханаькъан ӏимран, Баркинхой Ювсап, цар лакха совгӏаташ даьхар. Гӏазакханаькъан Расула, Гаркхой Мухьмад-Амина, Коазой Хьусена, Шакренаькъан Хьамзата шоллагӏа моттиг яьккхар. Гаркхой Ибрахӏима, Акхасаганаькъан Мухьмад-Амина кхоалагӏа моттиг яьккхар», - аьлар хоамо.
Тхога хоам баьчо яхачох, латархой кийчбеннабар яхье дакъа лаца, тренераша Гаркхой Шамала, Акхасаганаькъан Ювсапа, Микаила кулгал деш.
