Алхан-Юртарча яхье Долакха-Юртарча спортсменаша 13 майдилг яьккхар
Нохчий мехкарча Алхан-Юрта дӏайихьача йийллача турнире 13 майдилг йоаккхаш, белгалбаьлар вай спортсменаш. «8 шергара 14 шерга кхаччалца бола спортсменаш бар диъ дийнахьа шоай говзал гойташ хиннараш.
«Спорт - вахара оагӏув» яхача проектага гӏолла дӏахьош яр уж яхьаш. Долакха-Юртарча Берий-кагирхой спорта ишколера доакъашхой боккхача толамца дӏабайзар цига гулбеннарашта. Гаркхой Шамала ӏомабаьча латархоша ялх майдилг яьккхар. Манкенаькъан Адам, Эльмурзанаькъан Асадуллахь лакхерча лагӏа тӏа баьлар, Далганаькъан Ахьмад шоллагӏча моттиге эттар.
Ӏалбаканаькъан Альберт, Гаркхой Ибрахӏим, Шовхаланаькъан Мухьаммад борза майдилгаш яьхарех хилар. Акхасаганаькъан Микаила хьийха Баркинхой Мухьаммад хьалхарча моттиге эттар, кхоалагӏа моттиг яьккхар Гаркхой Имрана, Шибаланаькъан Ӏаддала, Джандаранаькъан Мухьаммада, Тиймарзанаькъан Ӏаддал-Рахьмана.
Акхасаганаькъан Ювсапа хьийхараша кхы а ши майдилг яьккхар. Гиренаькъан Ибрахӏима «дотув»кхаьчар, хӏаьта Акхасаганаькъан Мухьмад-Амина борза майдилг ӏоэллар», - дийцар тха газетага.
