Нальчике дӏайихьача яхье, 15 мейдилг яьккхар Долакха-Юртарча латархоша
Долакха-Юртарча Берий-ондаргий спортивни ишколе ӏомалураша 15 майдилг яьккхар Халкъашта юкъерча яхье вӏашагӏъийнача ММА 20 EFC латарах, яхаш, дийцар «Сердало» газетага ДЮСШ.
Шин дийнахьа Гӏаьбартой-Балкхарой столице котало яккхарах йола яхьаш дӏайолайир. Долаках-Юртарча спортсменаша 10 дошо, 5 дото совгӏаташ даьхар. Гаданаькъан ӏумара, Геласханаькъан Мухьаммада, Ховтанаькъан Заьлмахас, Келиганаькъан Мухьаммада, Гасаранаькъан Мухьаммада, Олганаькъан ӏаддал-Малика, ӏарчакханаькъан Мухьаммада, Гойганаькъан Араба, Гаданаькъан Мухьаммада, Баркинхой Мухьаммада хьалхара моттигаш яьхар. КӀанташанаькъан Илеза, Коазой Альбара, ӏарчакханаькъан Жабраила, Гаданаькъан Мухьаммада, Гӏарбакханаькъан Хьамзас шоллагӏа моттигаш яьхар шо-шоай дозалга хьежжа», - аьлар хоамо.
Белгалду, уж ӏомабеш ва тренер Геласханаькъан ӏаддал.
